ਮੁੰਡੇ ਵਾਲਿਆਂ ਨੇ ਦੇਖਣ ਆਉਣਾ ਸੀ ਤੇ ਚੰਨੀ ਲਈ ਇਹ ਛੇਵਾਂ ਮੁੰਡਾ ਸੀ ਜੋ ਉਸਨੂੰ ਦੇਖਣ ਆ ਰਿਹਾ ਸੀ । ਉਸ ਲਈ ਇੰਝ ਬਹੁਤ ਔਖਾ ਸੀ ਵਾਰ ਵਾਰ ਸਜ ਕੇ ਜਾਣਾ ਤੇ ਫਿਰ ਅੱਗੋਂ ਨਾਂਹ ਸੁਣਨੀ ।ਹੁਣ ਤੇ ਵਿਆਹ ਵਾਲਾ ਚਾਅ ਵੀ ਲੱਥ ਗਿਆ ਸੀ ।
ਮੁੰਡੇ ਵਾਲੇ ਆ ਗਏ । ਚਾਹ ਪਾਣੀ ਪੀ ਲੈਣ ਦੇਣ ਦੀ ਗੱਲ ਚੱਲੀ । ਗੱਲ ਉੱਕੀ ਪੁੱਕੀ 25 ਲੱਖ ਦੇ ਨਿੱਬੜੀ । ਵਿਆਹ ਦਾ ਸਾਰਾ ਖਰਚਾ ਕੱਢ ਕੇ ਬਾਕੀ ਪੈਸੇ ਝੋਲੀ ਪਾਉਣ ਦੀ ਗੱਲ ਵਿਚੋਲੇ ਨੇ ਚੰਨੀ ਦੇ ਪਿਉ ਕੋਲ ਠੋਕਰ ਦਿੱਤੀ ।
ਚੰਨੀ ਨੂੰ ਬੁਲਾਇਆ ਗਿਆ ਤੇ ਹਮੇਸ਼ਾ ਦੀ ਤਰ੍ਹਾ ਚੰਨੀ ਨੂੰ ਅੰਦਰੋਂ ਅੰਦਰ ਘਬਰਾਹਟ ਹੋਣ ਲੱਗੀ ਪਰ ਆਪਣੇ ਆਪ ਨੂੰ ਸੰਭਾਲਦਿਆਂ ਉਹ ਸਭ ਨੂੰ ਸਤਿ ਸ਼੍ਰੀ ਅਕਾਲ ਬੁਲਾ ਕੇ ਸੋਫ਼ੇ ਤੇ ਬੈਠੇ ਆਵਦੇ ਭਰਾ ਕੋਲ ਜਾ ਕੇ ਬੈਠ ਗਈ । ਨਾਲਦੇ ਸੋਫ਼ੇ ਤੇ ਬੈਠੀ ਮੁੰਡੇ ਦੀ ਮਾਂ ਨੇ ਚੰਨੀ ਨਾਲ ਰਸਮੀ ਗੱਲਾਂ ਬਾਤਾਂ ਕੀਤੀਆਂ ਤੇ ਗੱਲਾਂ ਚੋ ਗੱਲ ਏਹ ਵੀ ਕੀਤੀ ਕਿ ਬੇਟਾ ਐਮ ਏ ਕਾਹਤੋਂ ਵਿੱਚ ਛੱਡ ਦਿੱਤੀ । ਚੰਨੀ ਨੇ ਰੋਣਹਾਕਾ ਮੂੰਹ ਬਣਾ ਲਿਆ ਪਰ ਨਾਲ ਬੈਠੇ ਉਸਦੇ ਭਰਾ ਨੇ ਉਸਦਾ ਹੱਥ ਘੁੱਟ ਕੇ ਫੜ੍ਹ ਲਿਆ ਤੇ ਅੱਖਾਂ ਭਰ ਆਵਦਾ ਸਿਰ ਹਿਲਾਇਆ ਜਿਵੇਂ ਕਹਿ ਰਿਹਾ ਹੋਵੇ ਕਿ ਨਾ ਰੋਣਾ ਨੀ । ਅੱਗੇ ਗੱਲ ਹੋਣ ਲੱਗੀ ਕਿ ਬੇਟਾ ਤੁਹਾਡੇ ਅੱਖਾਂ ਦੇ ਘੇਰੇ ਕਾਲੇ ਕਾਹਤੋ ਨੇ , ਕੋਈ ਮੈਡੀਸਨ ਨਹੀਂ ਲਈ । ਚੰਨੀ ਦੀ ਭੁੱਬ ਨਿਕਲ ਗਈ ਤੇ ਉਹ ਉੱਚੀ ਉੱਚੀ ਰੋਣ ਲੱਗ ਗਈ । ਸਾਰੇ ਹੈਰਾਨ ਹੋਏ । ਮੁੰਡੇ ਦੀ ਮਾਂ ਨੇ ਵਿਚੋਲਣ ਦੇ ਕੰਨ ਚ ਘੁਸਰ ਮੁਸਰ ਕੀਤੀ , “ਕੁੜੀ ਤਾਂ ਟੈਨਸ਼ਨ ਚ ਲੱਗਦੀ ਆ, ਲੱਗਦਾ ਘਰਦੇ ਧੱਕਾ ਕਰ ਰਹੇ ਆ ਵਿਆਹ ਨੂੰ ਜਾਂ ਫਿਰ ਕੁੜੀ ਨੂੰ ਕੋਈ ਕਸਰ ਕੁਸਰ ਹੁੰਦੀ ਹੋਊ । ਚੱਲੀਏ ਆਪਾਂ ਇੱਥੋੰ ..” ਵਿਚੋਲਣ ਗੱਲ ਅਣਸੁਣੀ ਜੇਹੀ ਕਰ ਕਹਿੰਦੀ ਕਿ ਕੋਈ ਨਾ ਦੋ ਮਿੰਟ ਹੋਰ ਬੈਠੇ ਭੈਣਜੀ । ਐਨੇ ਨੂੰ ਮੁੰਡੇ ਦੇ ਪਿਉ ਨੇ ਕਿਹਾ ਕਿ ਚਲੋ ਮੁੰਡਾ ਕੁੜੀ ਮਿਲ ਲੈਣ ਇਕੱਲੇ .. ਕੋਈ ਗੱਲਬਾਤ ਪੁੱਛਣੀ ਹੋਵੇ ਉਹਨਾਂ ਨੇ ਤਾਂ ।
ਮੁੰਡਾ ਉੱਠ ਕੇ ਪੌੜੀਆਂ ਚੜ੍ਹ ਕੇ ਚੁਬਾਰੇ ਚ ਚਲਾ ਗਿਆ । ਉੱਥੇ ਚੁਬਾਰੇ ਚ ਬੈੱਡ ਤੇ ਲਾਲ ਰੰਗ ਦੀ ਡਾਇਰੀ ਪਈ ਸੀ ਤੇ ਮੁੰਡੇ ਨੇ ਯੱਕਾਤੱਕੀ ਚ ਡਾਇਰੀ ਖੋਲੀ ਤੇ ਅੱਜ ਦੀ ਤਾਰੀਕ ਤੇ ਚੰਨੀ ਨੇ ਆਵਦੀ ਮਾਂ ਨੂੰ ਛੋਟਾ ਜੇਹਾ ਖ਼ਤ ਲਿਖਿਆ ਸੀ ,
“ਮਾਂ ਅੱਜ ਫਿਰ ਛੇਵੀਂ ਵਾਰ ਕੋਈ ਮੁੰਡਾ ਦੇਖਣ ਆ ਰਿਹਾ । ਮੈਨੂੰ ਪਤਾ ਉਹਨੇ ਮੈਨੂੰ ਦੇਖ ਕੇ ਨਾਂਹ ਹੀ ਕਰ ਦੇਣੀ ਆ ਪਰ ਫਿਰ ਵੀ ਮੈਂ ਤੇਰਾ ਸਵਾ ਕੇ ਦਿੱਤਾ ਨਵਾਂ ਸੂਟ ਪਾਇਆ । ਪਤਾ ਮਾਂ ਤੇਰੇ ਜਾਣ ਤੋਂ ਬਾਅਦ ਘਰਦੇ ਕਾਹਲੇ...
...
ਹੋਰ ਕਹਾਣੀਆਂ ਪੜ੍ਹਨ ਲਈ ਜਰੂਰ ਇੰਸਟਾਲ ਕਰੋ ਸਾਡੀ ਪੰਜਾਬੀ ਕਹਾਣੀਆਂ ਐਪ
malkeet
boht sohni story👌👌👍
Harpreet sandhu
bhutttt sohniiii❤❤❤❤
Seema Goyal
This is a beautiful, beautiful story. lt reads like a fable.👰👰🤗🤗
Jugnu
Bahut pyari story ,parmatama har ik naujwaan da dil eho jiha kar deve