ਬੀਤੇ ਸਾਲ ਦੇ ਉਹ ਗਰਮੀ ਦੇ ਦਿਨ ਸਨ ਜਦੋਂ ਅਸਮਾਨ ਤੋਂ ਅੱਗ ਵਰਦੀ ਸੀ ਤੇ ਧਰਤੀ ਅੱਗ ਦਾ ਗੋਲਾ ਬਣੀ ਹੋਈ ਸੀ। ਇੱਕ ਪੰਛੀ ਆਪਣੇ ਸਿਰ ਨੂੰ ਲੁਕਾਉਣ ਲਈ ਆਪਣੇ ਰੁੱਖ ਦੋਸਤ ਕੋਲ ਆ ਬੈਠਾ। ਡਾਢਾ ਨਿਰਾਸ਼ ਹੋਇਆ ਇਹ ਪੰਛੀ ਗਰਮੀ ਨਾਲ ਬੇਹਾਲ ਸੀ ਤੇ ਅਸਮਾਨ ਵੱਲ ਦੇਖ ਰਿਹਾ ਸੀ ਕਿ ਸ਼ਾਇਦ ਕੋਈ ਬੱਦਲ ਦਿਖ ਜਾਣ ਤੇ ਵਰਖਾ ਦਾ ਕੋਈ ਚਾਰਾ ਹੋ ਜਾਵੇ। ਰੁੱਖ ਵੀ ਬੇਚੈਨ ਸੀ ਤੇ ਉਸਦੇ ਪੱਤੇ ਕੁਮਲਾਏ ਹੋਏ ਸਨ। ਵਰਖਾ ਨਾ ਪੈਣ ਕਾਰਨ ਉਹ ਵੀ ਘੋਰ ਨਿਰਾਸ਼ ਸੀ ਤੇ ਆਪਣੇ ਪੰਛੀ ਦੋਸਤ ਨਾਲ ਕੋਈ ਗੱਲ ਨਹੀਂ ਕਰ ਰਿਹਾ ਸੀ। ਪੰਛੀ ਉਸਦਾ ਦੋਸਤ ਹੋਣ ਕਾਰਨ ਉਸਦੀ ਉਦਾਸੀ ਦਾ ਕਾਰਨ ਸਮਝ ਚੁੱਕਿਆ ਸੀ। ਕਾਫੀ ਚਿਰ ਬਾਅਦ ਪੰਛੀ ਬੋਲਿਆ, “ਦੋਸਤ, ਹੁਣ ਜਿਉਣ ਦਾ ਕੋਈ ਹੱਜ ਨਹੀਂ ਰਹਿ ਗਿਆ।” ਰੱਬ ਪਤਾ ਨਹੀਂ ਕਿੱਥੇ ਚਲਾ ਗਿਆ, ਸਾਡੀ ਗੱਲ ਹੀ ਨਹੀਂ ਸੁਣਦਾ। ਸਾਡਾ ਵੀ ਹੁਣ ਕੋਈ ਜਿਉਣਾ ਨਹੀਂ ਰਹਿ ਗਿਆ। ਰੁੱਖ ਬੋਲਿਆ ਕਿ ਇੱਥੇ ਰੱਬ-ਰੁਬ ਕੋਈ ਨਹੀਂ ਹੈ। ਇਹ ਐਂਵੇ ਸਾਡਾ ਵਹਿਮ ਹੈ। ਹੁਣ ਤਾਂ ਅਸਲ ਵਿੱਚ ਮਨੁੱਖ ਹੀ ਰੱਬ ਹੈ। ਵੇਖ, ਕਿਵੇਂ ਆਪਣੇ ਸੁਆਰਥ ਲਈ ਤਬਾਹੀ ਮਚਾਈ ਜਾਂਦਾ ਹੈ। ਸਾਰੇ ਜੰਗਲ-ਬੇਲੇ ਪੱਟੀ ਜਾ ਰਿਹਾ ਹੈ। ਵਿਕਾਸ ਦੇ ਨਾਂ ਤੇ ਸਭ ਕੁੱਝ ਰੁੰਡ-ਮਰੁੰਡ ਕਰੀ ਜਾ ਰਿਹੈ ਹੈ। ਸਾਡੀ ਗਿਣਤੀ ਹੁਣ ਨਾਮਾਤਰ ਰਹਿ ਗਈ ਹੈ। ਮੈਂ ਤਾਂ ਹੁਣ ਇਹ ਸੁਣਿਆ ਹੈ ਕਿ ਮਨੁੱਖ ਚੰਨ ਤੇ ਰਹਿਣ ਦੀ ਗੱਲ ਕਰ ਰਿਹਾ ਹੈ। ਪੰਛੀ ਦੁੱਖੀ ਹੋਇਆ ਬੋਲਿਆ ਕਿ ਚੰਗਾ ਹੋਵੇ ਜੇ ਇਹ ਚੰਨ ਤੇ ਵਸੇਬਾ ਕਰ ਲਵੇ, ਅਸੀਂ ਤਾਂ ਇੱਥੇ ਸੁੱਖੀ ਹੋਈਏ। ਨਹੀਂ ਤਾਂ ਸਾਡੀ ਹੋਂਦ ਨੂੰ ਕੋਈ ਨਹੀਂ ਬਚਾ ਸਕਦਾ। ਸਾਡੇ ਵੱਡ-ਵਡੇਰੇ ਆਦਿ ਮਨੁੱਖ ਵੇਲੇ ਮੌਜਾਂ ਕਰਦੇ ਸੀ ਤੇ ਸਾਨੂੰ ਇਹ ਮਾੜੇ ਦਿਨ ਵੇਖਣੇ ਨਸੀਬ ਹੋਏ। ਆਪਾਂ ਨੂੰ ਰੱਬ ਐਨਾ ਕਿਉਂ ਦੁੱਖੀ ਕਰਦਾ ਹੈ ਤੇ ਆਹ, ਸਾਡੀ ਧਰਤੀ ਮਾਂ ਮੌਜਾਂ ਕਰਦੀ ਹੈ। ਚੱਲ, ਧਰਤੀ ਮਾਂ ਤੋਂ ਉਸਦੇ ਸੁੱਖੀ ਜੀਵਨ ਦਾ ਕਾਰਨ ਪੁੱਛੀਏ। ਧਰਤੀ ਮਾਂ-ਧਰਤੀ ਮਾਂ ਤੂੰ ਬੋਲਦੀ ਕਿਉਂ ਨਹੀਂ? ਅਸੀਂ ਤੇਰੇ ਤੋਂ ਇੱਕ ਗੱਲ ਪੁੱਛਣੀ ਹੈ। ਉਦਾਸ ਹੋਈ ਅੱਖਾਂ ਪੂੰਝਦੀ ਧਰਤੀ ਬੋਲੀ, ਹਾਂ ਦੱਸੋ ਮੇਰੇ ਸਾਥੀਓ, ਕੀ ਗੱਲ ਹੈ? ਪੰਛੀ ਤੇ ਰੁੱਖ ਆਪਣਾ ਦੁੱਖ ਭੁੱਲ ਕੇ ਉਸਨੂੰ ਉਸਦੀ ਮਾਯੂਸੀ ਦਾ ਕਾਰਨ ਪੁੱਛਣ ਲੱਗੇ ਤਾਂ ਧਰਤੀ ਨੇ ਆਪਣੀ ਦੁੱਖ ਭਰੀ ਵਾਰਤਾ ਦੱਸਦੇ ਹੋਏ ਕਿਹਾ ਕਿ ਮਨੁੱਖ ਦੀਆਂ ਗਲਤੀਆਂ ਕਾਰਨ ਮੇਰੇ ਹੇਠਲਾ ਧਰਮ ਰੂਪੀ ਬਲਦ ਜਿਹੜਾ ਦਇਆ ਦਾ ਪੁੱਤਰ ਸੀ ਮਰ ਗਿਆ। ਮੈਨੂੰ ਸਿੰਗਾਂ ਤੇ ਚੁੱਕਣ ਵਾਲਾ ਬਲਦ ਅੱਜ ਦਮ ਤੋੜ ਗਿਆ ਹੈ। ਹੁਣ ਮੈਂ ਕੁੱਝ ਦਿਨਾਂ ਦੀ ਪ੍ਰਾਹੁਣੀ ਹਾਂ। ਮੇਰਾ ਸਭ ਕੁੱਝ ਤਬਾਹ ਹੋ ਗਿਆ ਹੈ। ਮੇਰੇ ਉੱਤੇ ਮੌਜਾਂ ਮਾਣਦਾ ਮਨੁੱਖ ਮੈਨੂੰ ਹੀ ਬਰਬਾਦੀ ਦੇ ਕੰਢੇ ਧੱਕੀ ਜਾ ਰਿਹਾ ਹੈ। ਮੇਰੇ, ਰੁੱਖ, ਪੰਛੀ ਆਦਿ ਸਭ ਕੁੱਝ ਅਲੋਪ ਹੋ ਰਿਹਾ ਹੈ। ਹਾਂ, ਮੇਰਾ ਭਰਾ ਪਾਣੀ ਥੋੜਾ ਸੁੱਖੀ ਹੈ, ਉਹ ਮੌਜਾਂ ਮਾਣਦਾ ਹੈ। ਉਸਦਾ ਬਹੁਤ ਵਿਸਥਾਰ ਹੈ ਤਾਂ ਹੀ ਉਸਨੂੰ ਕੋਈ ਦੁੱਖ ਨਹੀਂ। ਤਿੰਨੇ ਜਾਣੇ ਪਾਣੀ ਕੋਲ ਚਲੇ ਗਏ। ਪਾਣੀ ਆਪਣੇ ਗੰਧਲਾ ਰੂਪ ਕਾਰਨ ਪਛਾਣਿਆ ਨਹੀਂ ਜਾ ਰਿਹਾ ਸੀ ਤੇ ਰੱਬ ਅੱਗੇ ਇੱਕ ਲੱਤ ਤੇ ਪ੍ਰਾਰਥਨਾ ਕਰੀ...

...

ਹੋਰ ਕਹਾਣੀਆਂ ਪੜ੍ਹਨ ਲਈ ਜਰੂਰ ਇੰਸਟਾਲ ਕਰੋ ਸਾਡੀ ਪੰਜਾਬੀ ਕਹਾਣੀਆਂ ਐਪ