ਲੋੜਵੰਦ ਦੀ ਸੇਵਾ

ਸ਼ੋ ਰੂਮ ਦੇ ਪਾਸੇ ਜਿਹੇ ਰੱਖੇ ਪੂਰਾਣੇ ਫਰਿਜ ਦੀ ਕੀਮਤ ਪੁੱਛ ਓਹਨਾ ਨਾਲ ਲਿਆਂਦੇ ਪੈਸੇ ਗਿਣਨੇ ਸ਼ੁਰੂ ਕਰ ਦਿੱਤੇ..
ਥੋੜੀ ਦੇਰ ਮਗਰੋਂ ਮੇਰਾ ਪ੍ਰਤੀਕਰਮ ਜਾਨਣ ਲਈ ਇੱਕਠੇ ਕੀਤੇ ਸੱਤ ਹਜਾਰ ਮੇਰੇ ਵੱਲ ਵਧਾ ਦਿੱਤੇ..
ਮੈਂ ਨਾਲਦੇ ਵੱਲ ਵੇਖਿਆ..
ਹਰੇਕ ਸ਼ੈ ਨੂੰ ਨਫ਼ੇ ਨੁਕਸਾਨ ਦੀ ਤੱਕੜੀ ਵਿੱਚ ਤੋਲਦੇ ਉਸ ਇਨਸਾਨ ਦੇ ਮੱਥੇ ਤੇ ਤਿਉੜੀਆਂ ਦੇ ਨਾਲ ਨਾਲ ਅੱਜ ਇੱਕ ਵੱਡੀ ਸਾਰੀ ਨਾਂਹ ਵੀ ਸੀ!
ਮੈਂ ਬੜੀ ਆਸ ਨਾਲ ਆਏ ਉਸ ਜੋੜੇ ਨੂੰ ਦੱਸ ਹਜਾਰ ਦੀ ਰਕਮ ਦੱਸ ਆਪਣੀ ਮਜਬੂਰੀ ਜਾਹਿਰ ਕਰ ਦਿੱਤੀ!
ਉਹ ਨਜਰਾਂ ਝੁਕਾਏ ਬਿਨਾ ਕੁਝ ਆਖਿਆਂ ਦੁਕਾਨ ਵਿਚੋਂ ਬਾਹਰ ਹੋ ਗਏ!
ਘੜੀ ਕੂ ਮਗਰੋਂ ਪੰਦਰਾਂ ਸੋਲਾਂ ਕੂ ਸਾਲ ਦੀ ਕੁੜੀ ਆਈ ਤੇ ਪਰਸ ਵਿਚੋਂ ਕੁਝ ਰੁਪਏ ਕੱਢ ਮੇਰੇ ਅੱਗੇ ਕਰ ਦਿੱਤੇ..!
ਆਖਣ ਲੱਗੀ..ਆਂਟੀ ਜੀ ਮੇਰਾ ਪਿਓ ਦਿਹਾੜੀਦਾਰ ਏ..ਮਾਂ ਵੱਲੋਂ ਲੋਕਾਂ ਦੇ ਘਰੋਂ ਲਿਆਂਧੀ ਥੋੜੀ ਬਹੁਤ ਬਰਫ ਆਥਣ ਵੇਲੇ ਉਸਦੇ ਘਰੇ ਆਉਣ ਤੱਕ ਖੁਰ ਜਾਂਦੀ ਏ..ਸਾਹ ਦੇ ਮਰੀਜ ਨੂੰ ਟੂਟੀ ਦਾ ਤਪਿਆ ਹੋਇਆ ਪਾਣੀ ਹੀ ਪੀਣਾ ਪੈਂਦਾ..ਮੈਨੂੰ ਬਿਲਕੁਲ ਵੀ ਚੰਗਾ ਨਹੀਂ ਲੱਗਦਾ..!
ਉਹ ਦੋਵੇਂ ਹੁਣੇ-ਹੁਣੇ ਹੀ ਇਥੇ ਇੱਕ ਫਰਿਜ ਦਾ ਸੱਤ ਹਜਾਰ ਆਖ ਕੇ ਗਏ..ਤੁਸੀਂ ਨਾਂਹ ਕਰ ਦਿੱਤੀ..ਆਹ ਲਵੋ...

...