ਨਿੱਜੀ ਮਾਮਲਾ

ਮੈਨੂੰ ਇਹਸਾਸ ਹੋ ਗਿਆ ਸੀ ਕੇ ਦੋਹਾਂ ਦੀ ਆਪਸ ਵਿਚ ਕੋਈ ਗੱਲ ਹੋਈ ਏ..
ਸੁਵੇਰ ਤੋਂ ਹੀ ਆਪਸੀ ਬੋਲਚਾਲ ਬੰਦ ਏ..!
ਪਹਿਲਾਂ ਬੇਟੇ ਨਾਲ ਗੱਲ ਕਰਨੀ ਬੇਹਤਰ ਸਮਝੀ..
ਤਰੀਕੇ ਜਿਹੇ ਨਾਲ ਗੱਲ ਤੋਰੀ ਤਾਂ ਮੇਰੀ ਗੱਲ ਵਿਚੋਂ ਹੀ ਕੱਟ ਕੇ ਆਖਣ ਲੱਗਾ “ਭਾਪਾ ਜੀ ਸਾਡਾ ਨਿੱਜੀ ਮਾਮਲਾ ਏ..ਤੁਸੀਂ ਮੇਹਰਬਾਨੀ ਕਰਕੇ ਬਾਹਰ ਹੀ ਰਹੋ”
ਫੇਰ ਨਵਜੋਤ ਨਾਲ ਗੱਲ ਕੀਤੀ ਤਾਂ ਉਸਦਾ ਵੀ ਇਹੋ ਜੁਆਬ ਸੀ..ਅਖ਼ੇ ਸਾਡਾ ਨਿੱਜੀ ਮਾਮਲਾ ਏ!
ਮੈਂ ਅੰਦਰੋਂ ਅੰਦਰ ਥੋੜਾ ਫ਼ਿਕਰਮੰਦ ਹੋਇਆ..
ਵਿਆਹ ਨੂੰ ਅਜੇ ਸਿਰਫ ਪੰਜ ਮਹੀਨੇ ਅਤੇ ਆਹ ਕੁਝ..ਬਿਲਕੁਲ ਵੀ ਸੁਭ ਸੰਕੇਤ ਨਹੀਂ ਸੀ!
ਨਾਲਦੀ ਨੂੰ ਆਖ ਦੋਹਾਂ ਨਾਲ ਮੁੜ ਤੋਂ ਗੱਲ ਤੋਰੀ..
ਉਹ ਵੀ ਧੌਣ ਸੁੱਟ ਵਾਪਿਸ ਪਰਤ ਆਈ..ਅਖ਼ੇ ਸਾਡਾ ਪਰਸਨਲ ਮਾਮਲਾ ਏ..!
ਮਨ ਹੀ ਮਨ ਇੱਕ ਪਲਾਨ ਬਣਾ ਆਪਣੇ ਕੁੜਮ ਸਾਬ ਨੂੰ ਫੋਨ ਲਾਇਆ..
ਫੇਰ ਪਕਾਏ ਹੋਏ ਮਤੇ ਮੁਤਾਬਿਕ ਟੇਬਲ ਬੁੱਕ ਕਰਵਾ ਕੇ ਰਾਤ ਦੀ ਰੋਟੀ ਲਈ ਰਸੋਈ ਢਾਬੇ ਅੱਪੜ ਗਏ..
ਗਿਆਰਾਂ ਕੂ ਵਜੇ ਘਰੋਂ ਫੋਨ ਗਿਆ ਅਖ਼ੇ ਭਾਪਾ ਜੀ ਕਿਥੇ ਓ..?
ਅੱਗੋਂ ਆਖਿਆ ਭਾਈ ਸਾਡਾ ਵੀ ਕੋਈ ਨਿੱਜੀ ਪ੍ਰੋਗਰਾਮ ਏ ਤੁਹਾਨੂੰ ਬਹੁਤੀ ਪੁੱਛਗਿੱਛ ਕਰਨ ਦੀ ਕੋਈ ਲੋੜ ਨਹੀਂ!
ਨਵਜੋਤ ਨੇ ਵੀ...