ਕਹਾਣੀ :ਸੰਧੂਰੀ ਅੰਬੀਆਂ
ਗਰਮੀਆਂ ਆਉਂਦੇ ਹੀ ਜਦੋਂ ਕਦੇ ਗੁਰਜੀਤ ਦੀ ਘਰਵਾਲੀ ਉਸਨੂੰ ਅਚਾਰ ਲਈ ਅੰਬੀਆਂ ਲੈ ਕੇ ਆਉਣ ਲਈ ਆਖਦੀ ਉਹਨੂੰ ਚੜਦੀ ਜਵਾਨੀ ਨਾਨਕਿਆਂ ਦੀ ਉਹ ਦੁਪਹਿਰ ਯਾਦ ਆ ਜਾਂਦੀ ।
ਉਦੋਂ ਵਾਢੀ ਵਿਸਾਖ ਤੋਂ ਸ਼ੁਰੂ ਹੋਕੇ ਕਣਕ ਸਾਂਭਦੇ ਜੇਠ ਵੀ ਟੱਪ ਜਾਂਦੀ ਸੀ । ਉਹਦੇ ਮਾਮਿਆਂ ਦੇ ਖੇਤ ਚ ਅੰਬ ਦੇ ਬੂਟੇ ਸੀ ਤੇ ਨਵੀ ਨਵੀ ਮੋਟਰ ਲਾ ਕੇ ਵੱਡਾ ਔਲੂ ਵੀ ਬਣਾਇਆ ਸੀ ।
ਖੇਤ ਦੀ ਰੋਟੀ ਲੈ ਕੇ ਜਾਂਦਾ ਤਾਂ ਉਹਨੂੰ ਅੰਬੀਆਂ ਤੇ ਮੋਟਰ ਤੇ ਨਹਾਉਣ ਦਾ ਚਾਅ ਹੀ ਰਹਿੰਦਾ । ਨਾਨਕੇ ਆਇਆ ਸਮਝ ਕੇ ਉਹਨੂੰ ਕੋਈ ਕੁਝ ਕਹਿੰਦਾ ਵੀ ਹੀ ਸੀ । ਉਸ ਦਿਨ ਮਾਮੀ ਨੇ ਆਚਾਰ ਲਈ ਅੰਬੀਆਂ ਲਿਆਉਣ ਲਈ ਆਖ ਦਿੱਤਾ ਸੀ । ਉਦੋਂ ਵਾਢੀ ਚ ਪਰਿਵਾਰ ਇੱਕ ਦੂਜੇ ਨਾਲ ਸਾਂਝਾ ਕੰਮ ਕਰਵਾ ਦਿੰਦਾ ਸੀ । ਉਹਨਾਂ ਦੇ ਮਾਮਿਆਂ ਦੇ ਘਰਾਂ ਚੋਂ ਵੀ ਇੱਕ ਪਰਿਵਾਰ ਨਾਲ ਲੱਗਾ ਹੋਇਆ ਸੀ । ਜਿਹਨਾਂ ਚ ਇੱਕ ਕੁੜੀ ਨੀਤੂ ਸੀ ਉਹ ਵੀ ਆਪਣੇ ਨਾਨਕੇ ਹੀ ਆਈ ਹੋਈ ਸੀ ।
ਰੋਟੀ ਖਾ ਹਟਣ ਮਗਰੋਂ ਉਹਨੇ ਮਾਮੀ ਦੀ ਕਹੀ ਗੱਲ ਯਾਦ ਕਰਵਾਈ ਤਾਂ ਮਾਮੇ ਨੇ ਨੀਤੂ ਨੂੰ ਅੰਬੀਆਂ ਤੋੜ ਕੇ ਦੇਣ ਲਈ ਕਹਿ ਕੇ ਬਾਕੀ ਸਾਰੇ ਦੂਰ ਖੇਤ ਕੰਮ ਜਾ ਲੱਗੇ । ਜਾਂਦੇ ਜਾਂਦੇ ਮੋਟਰ ਦੀ ਬਿਜ਼ਲੀ ਚਲਾ ਗਏ ਗੁਰਜੀਤ ਦੇ ਨਹਾਉਣ ਦੀ ਇੱਛਾ ਦੇਖ ਕੇ ਨੀਤੂ ਨੂੰ ਉਮਰੋਂ ਵੱਡੀ ਜਾਣ ਕੇ ਉਹ ਤਾਕੀਦ ਕਰ ਗਏ ਕਿ ਇਹਦੇ ਨਹਾਉਣ ਮਗਰੋਂ ਅੰਬੀਆਂ ਤੇ ਭਾਂਡੇ ਦੇ ਕੇ ਤੋਰ ਕੇ ਆ ਜਾਵੀਂ । ਦੋਵੇਂ ਟੱਬਰ ਆਪਣੇ ਕੰਮ ਜਾ ਲੱਗੇ ।
ਨੀਤੂ ਅੰਬੀਆਂ ਤੋੜਨ ਲੱਗੀ ਤੇ ਗੁਰਜੀਤ ਇੱਕ ਦੋ ਮਿੱਠੀਆਂ ਅੰਬੀਆਂ ਲੱਭ ਆਖ਼ਿਰੀ ਕੱਪੜੇ ਨੂੰ ਛੱਡ ਸਾਰੇ ਕੱਪੜੇ ਉਤਾਰ ਕੇ ਔਲੂ ਚ ਜਾ ਵੜਿਆ ।
ਕੁਝ ਦੇਰ ਚ ਹੀ ਨੀਤੂ ਅੰਬੀਆਂ ਦਾ ਝੋਲਾ ਭਰਕੇ ਹੌਜ਼ੀ ਕੋਲ ਆ ਖਲੋਤੀ । ਗੁਰਜੀਤ ਨੂੰ ਠੰਡੇ ਪਾਣੀ ਚ ਥਰ ਥਰ ਕੰਬਦੇ ਦੇਖ ਹੱਸਣ ਲੱਗੀ ।
” ਐਨਾ ਠੰਡਾ ਤੇ ਬੱਸ ਕਰ ਆਜਾ ਬਾਹਰ ਤੇ ਲੈਜਾ ਅੰਬੀਆਂ । ”
“ਮੈਂ ਅਜੇ ਹੋਰ ਨਹਾਉਣਾ ,ਤੂੰ ਜਾ ਮੈਂ ਲੈਜੂ ਆਪੇ ।”
ਪਰ ਉਹ ਰੁਕੀ ਰਹੀ ਗੁਰਜੀਤ ਦੇ ਮਾਮੇ ਦੇ ਸੁਭਾਅ ਦਾ ਉਹਨੂੰ ਪਤਾ ਸੀ । ਜਦੋਂ ਕੁਝ ਦੇਰ ਫੇਰ ਵੀ #ਗੁਰਜੀਤ ਬਾਹਰ ਨਾ ਨਿਕਲਿਆ ਤਾਂ ਨੀਤੂ ਦੇ ਮਨ ਚ ਪਤਾ ਨਹੀਂ ਕਿ ਆਇਆ ਉਹ ਵੀ ਉਵੇਂ ਕੱਪੜਿਆਂ ਸਮੇਤ ਹੌਜ਼ੀ ਚ ਨਹਾਉਣ ਲਈ ਵੜ ਗਈ ।
ਹੌਜ਼ੀ ਵੱਡੀ ਤਾਂ ਸੀ ਪਰ ਸੀ ਤਿਲਕਵੀ । ਤਿਲਕਦੀ ਨੂੰ ਗੁਰਜੀਤ ਨੇ ਡਿੱਗਣ ਤੋਂ ਮਸਾ ਬਚਾਇਆ ।ਪਹਿਲੇ ਡੋਬੇ ਨਾਲ ਹੀ ਉਸਨੂੰ ਠੰਡਕ ਦਾ ਅਹਿਸਾਸ ਹੋਇਆ । ਡੋਬੇ ਮਗਰੋਂ ਜਿਵੇਂ ਹੀ ਉਹ ਬਾਹਰ ਨਿੱਕਲੀ ਗੁਰਜੀਤ ਨੇ ਵੇਖਿਆ ਕਿ ਉਸਦਾ ਹਲਕੇ ਰੰਗ ਦਾ ਸੂਟ ਉਸਦੇ ਪੂਰੇ ਸਰੀਰ ਨਾਲ ਚਿਪਕ ਗਿਆ ਸੀ । ਵਾਲ ਗਿੱਲੇ ਹੋਕੇ ਸਿਰ ਨਾਲ ਚਿਪਕ ਗਏ ਤੇ ਚੁੰਨੀ ਮਹਿਜ਼ ਗਲੇ ਚ ਰਹਿ ਗਈ । ਉਸਨੂੰ ਨੀਤੂ ਦੇ ਅੰਦਰ ਪਾਈ ਬ੍ਰਾ ਦਾ ਰੰਗ ਸਪਸ਼ਟ ਦਿਖ ਰਿਹਾ ਸੀ । ਉਸਦਾ ਧਿਆਨ ਮੁੜ ਮੁੜ ਉਸਦੀ ਛਾਤੀ ਤੇ ਟਿਕ ਜਾਂਦਾ । ਨੀਤੂ ਉਸਦੀਆਂ ਨਜਰਾਂ ਤੋਂ ਬਚਣ ਦੀ ਹਰ ਸੰਭਵ ਕੋਸ਼ਿਸ਼ ਕਰਦੀ ਤੇ ਇੰਝ ਇੱਕ ਟਕ ਉਸ ਵੱਲ ਦੇਖਣ ਕਰਕੇ ਉਸਨੂੰ ਝਿੜਕ ਵੀ ਦਿੱਤਾ ।
ਪੇਟ ਤੇ ਚਿਪਕੇ ਕਮੀਜ਼ ਨੇ ਓਥੋਂ ਦਾ ਰੰਗ ਤੇ ਧੁੰਨੀ ਨੂੰ ਦਿਖਿਆ ਦਿੱਤਾ ਸੀ । ਆਪਣੇ ਵੱਲ ਇੰਝ ਤੱਕਦੇ ਵੇਖ ਨੀਤੂ ਇੱਕ ਵਾਰ ਤ੍ਰਬਕ ਗਈ । ਉਹ ਗੁਰਜੀਤ ਵਲ ਦੇਖ ਸ਼ਾਇਦ ਉਸਦੇ ਜਵਾਨ ਹੁੰਦੇ ਸਰੀਰ ਦੀ ਜਰੂਰਤ ਉਸਦੀਆਂ ਅੱਖਾਂ ਚ ਪੜ ਰਹੀ ਸੀ ।
ਉਸਨੂੰ ਤਿਲਕਦੀ ਨੂੰ ਬਚਾਉਂਦੇ ਹੋਏ ਉਸਦੇ ਜਿਸਮ ਤੇ ਪਈ ਗੁਰਜੀਤ ਦੇ ਹੱਥਾਂ ਦੀ ਛੂਹ ਐਨੇ ਠੰਡੇ ਪਾਣੀ ਨਾਲ ਵੀ ਨਹੀਂ ਸੀ ਉੱਤਰੀ । ਤੇ ਕਿਸੇ ਮਰਦ ਦਾ ਉਸਦੇ ਇਸ ਤਰਾਂ ਜਿਸਮ ਨੂੰ ਉਸਦੀ ਵੀ ਪਹਿਲੀ ਹੀ ਛੂਹ ਸੀ ।
ਉਹ ਹੌਜ਼ੀ ਚ ਬਿਲਕੁਲ ਬੈਠ ਕੇ ਨਹਾ ਰਹੀ...
...
ਹੋਰ ਕਹਾਣੀਆਂ ਪੜ੍ਹਨ ਲਈ ਜਰੂਰ ਇੰਸਟਾਲ ਕਰੋ ਸਾਡੀ ਪੰਜਾਬੀ ਕਹਾਣੀਆਂ ਐਪ
