ਐਂਵੇ ਕਹਿ ਬੈਠਾ ਘੱਟ ਸਬਜ਼ੀ’ਚ ਲੂਣ ਮੇਰੇ ਦੋਸਤੋ।
ਫਿਰ ਜ਼ਿੰਦਗੀ ‘ ਚ ਰਿਹਾ ਨਾ ਸਕੂਨ ਮੇਰੇ ਦੋਸਤੋ।
ਘਰ ਆਏ ਤਾਂਈ ਹੁਣ ਪਾਣੀ ਨਹੀਂਓ ਮਿਲਦਾ।
ਕਿਸ ਨੂੰ ਸੁਣਾਵਾਂ ਹੁਣ ਹਾਲ ਯਾਰੋ ਦਿਲਦਾ।
ਉਹ ਲੱਭਦੀ ਲੜਾਈ ਦਾ ਮੰਜ਼ਮੂਨ ਮੇਰੇ ਦੋਸਤੋ।
ਐਂਵੇ …………………………..।
ਮੇਰਾ ਨਾਂ ਲੈ ਲੈ ਰਹਿੰਦੀ ਬੱਚਿਆਂ ਨੂੰ ਤਾੜਦੀ।
ਪਿਓ ਉੱਤੇ ਗਏ ਹੁਣ ਇਹੋ ਮੇਹਣੈ ਮਾਰਦੀ।
ਉਹਨੇ ਰੱਖਿਆ ਸੁਕਾ ਮੇਰਾ ਖੂਨ ਮੇਰੇ ਦੋਸਤੋ।
ਐਂਵੇ ……………………..,…..।
ਪਾ ਲਵਾਂ ਜੇ ਕਿਤੇ ਕੋਈ ਕੱਪੜੇ ਮੈਂ ਚੱਜਦੇ।
ਕੀਹਨੂੰ ਮਿਲਣ ਜੇ ਚੱਲੇ ਫਿਰ ਇਹੋ ਮੇਹਣੇ ਵੱਜਦੇ।
ਤਿੰਨ ਸੌ ਦੋ ਵਾਲਾ ਲੱਗਾ ਏ ਕਾਨੂੰਨ ਮੇਰੇ ਦੋਸਤੋ।
ਐਂਵੇ ………………………..।
ਮੈਂ ਕਰਦਾ ਨਾ ਗੁੱਸਾ ਹੁਣ ਉਹਦੀ ਕਿਸੇ ਗੱਲਦਾ।
ਇਹ ਤਾਂ ਦੋਹਾਂ ਜੀਆਂ ਵਿੱਚ ਰਹਿੰਦਾ ਯਾਰੋ ਚੱਲਦਾ।
ਮੈਂ ਧਾਰ ਲਿਆ ਪੱਕਾ ਹੁਣ ਮੂਨ ਮੇਰੇ ਦੋਸਤੋ।
ਐਂਵੇ …………………………।
ਸ਼ਾਮ ਨੂੰ ਜੇ ਹੋ ਜਾਵਾਂ ਥੋੜਾ ਕਿਤੇ ਲੇਟ ਜੀ।
ਆਉਂਦਿਆਂ ਨੂੰ ਖੜੀ ਹੁੰਦੀ ਵਿੱਚ ਯਾਰੋ ਗੇਟ ਜੀ।
ਘਰ ਆਉਂਦਿਆਂ ਹੀ ਚੈੱਕ ਹੁੰਦਾ ਫੂਨ ਮੇਰੇ ਦੋਸਤੋ।
ਐਂਵੇ …….,…………………..।